Полека се нанижаа уште 100 рецепти и стигнав до 400тиот рецепт. Некако неосетно ги подготвив овие рецепти, со оглед на тоа дека многу празници предходеа, многу интересни натпревари имаше и говењето ми трга како од рака.

Повторно поголемо благодарам до тимот на Мои рецепти кои не поттикнуваат постојано со нови идеи, да експериментираме во кујна и да пробуваме нови, но и да презентираме стари рецепти запишани од тефтерите на нашите мајки и баби.
Мене ова хоби ме исполнува, бидејќи е две во едно, ем готвиш, ем фотографираш, а сето тоа е на крај наградено со прекрасно дружено на оваа страна, кое е незаменливо.

За овој јубилеен рецепт, се одлучив за една сурова, веганска, посна торта, која одговара и по принципите на хроно, со цел да се одвои малце од досегашните мои јубилејни рецепти, кои беа претежно беа класични торти, со одреден степен на иновативност и креативност.

Оваа торта многу лесно се подготвува. Не одзема многу време за подготовка, единствено треба само да ја причекате малце да се излади во замрзнувач.

1. Индиските ореви потопете ги во врела вода, нека постојат 15тина мин.
2. Калапот за куглоф премачкајте го со кокосово масло.
3. Во сецко или нутрибулет, ставете ги состојките за подлога. Блендирајте додека да добиете покомпактна смеса. Ако не ви се врзува или ви е сува смесата, што се зависи од бадемите и бананата колку се созреана, додадете неколку капки сок од портокал. Смесата за подлогата оставете ја кратко во фружидер.
-Користете засладувач по избор. Јас за оваа торта користев малткес.
4. Потоа во блендер или нутрибулет, ставете ги индиските ореви и блендирајте додека да добиете густа бела паста.
5. Кон таа смеса се додаваат малините и сите останати состојки за филот. Сето тоа убаво се блендира и врзува.
6. Оставете околу 3 лажици од првиот фил во блендерот и додадете ги сега останатите состојки од 2 фил и повторно се убаво изблендирајте.
7. Во калапот за куглоф ставете го прво вториот фил, кој е потемен на боја. Убаво распределете.
8. Потоа ставете го првиот фил и израмнете ја површината. Ставете ги филовите во замрзнувач.
9. Смесата за основата расукајте ја и средниот дел нека има отвор, колку отворот за куглоф.
10. Филовите кои малце се оладиме и стегнале, ги поклопуваме со основата, убаво притискаме и враќаме со во замрзнувач на 2-3 часа.
11. Потоа се превртува куглофот и се декорира со малини и индиски ореви.

- Овааа торта може да се подготви и во округол сад за торта со размер од 18-20 см. Ако сакате поголема, тогаш зголемете ги состојките.

Едно парче од оваа торта ќе ви даде доволно енергија, слаткост и прекрасен вкус на малина, што ќе ви го орасположи денот!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови