Измиксирајте го маргаринот со шеќерот, додајте ги мелените бисквити, измешајте, па додадете го газираниот сок и се мешајте до еднолична смеса.
Калапот на отворање бр 26 посипете го на дното со малку мелени бисквити и врз нив распоредете ја рамномерно припремената смеса за основа. Нека стои во фрижидер или на ладно додека се приготвува сирниот дел.

Желатинот се потопува со вода и се остава 10 мин.
Маскарпонето се миксира со шеќерот во пав, се додава киселата павлака и на крај изматената слатка павлака и растопениот желатин (јас го стопив 30 мин. Во микро). Се убаво се меша и се дели на два дела.

Во едниот дел се додава стопеното чоколадо, малку подоладено и се меша многу кратко, површно за да се добие мрамерен изглед. Се сипува врз основата во калапот.

На другиот дел му се додаваат изблендирани јаготките и се меша убаво, па се премачкува врз мермерниот дел.

Желатинот од конзерва се загрева за да се опушти и се премачкува најгоре на тортата.
Се остава преку ноќ убаво да се стегни.

Доколку не сте во можност да најдите ваков овошен желатин, употребете 300 мл вода и загрејте ја со 180 гр шеќер и 450 гр блендирани јаготки. Откако ќе зоврие, отстранете ја пената и по неколку минути додадете го предходно набабрениот 15 гр желатин со 60 мл вода.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови