За почеток ја подготвуваме основата.
500 гр бисквити ги мелеме, исто така мелеме и 50-100 грама лешници или ореви што сакате и секако имате во моментот, тоа може да искористите секако ќе биде вкусна.

Го правиме шербетот и го оставаме да се излади, подоцна се додаваат мелените бисквити, јаткастите мелени плодови и маргаринот и ги месиме заедно додека да добиеме хомогена смеса.
Доколку сакате во тестото може да ставите две три лажици какао, и некоја капка рум, тој му дава посебен вкус. Јас користам секогаш посни бисквити бидејќи тие не нараснуваат, зависи какви ќе користите може да ви треба повеќе или помалку шербет.
На оган ја ставаме во тенџере слатката павлака и чоколадото и на тивок оган ја мешаме постепено, се до оној момент кога ќе почнат да се прават како меурчиња. Тогаш ја тргаме од оган и оставаме малку да се подизлади.
Претходно направената смеса ја ставаме во калап ако имате супер, ако не може и во малечко тепсииче. Јас користев тепсиче број 28.
Од горе го додаваме чоколадниот фил од слатка павлака и чоколадо, оставаме малку на собна температура да се излади, и потоа го ставаме да се стегне убаво во фрижидер. Јас практикувам цела ноќ да стои за да се стегне убаво, после тоа декорирате по желба.
Овој пат искористив желирани вишни, чоколаден прелив и инстант чоколадо во декорацијата, а вишните се преубава комбинација со чоколадото и рум.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови