Квасецот го ставаме во водата во подлабок сад, додаваме малку брашно и малку шеќер, промешуваме и оставаме да се активира.
Во меѓувреме ги рендаме компирите и го топиме маргаринот.
Подготвуваме фил од рендано сирење, рендана салама, пасиран домат, оригано и кечап.
Брашното го мешаме со солта и зачинот и ги спојуваме сите состојки. Замесуваме меко тесто и го оставаме да отстои 40 минути.
Готовото тесто го делиме на 3 или 4 дела и сучиме кори, од кои сечеме форми и ги заролуваме едно по едно или може да се подготват ролати од корите и да се исечат на парчиња.
Ги редиме на чаршав и ги набрашнуваме. Јајцата ги матиме со виљушка, а презлата и сусамот ги мешаме. Пирошките ги натопуваме во јајце, потоа ги валкаме во презла и сусам и ги пржиме во врело масло.
Пирошките се по рецепт на мајка ми и предобри се. Може да се употреби фил по желба, а ако не се похуваат, може да се подготви фил од 2-3 пасирани домати и оригано и тогаш имате посни пирошки! Добар апетит!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови