За љубители на ореви, дефинитивно!
Ги пробав во еден скопски ресторан по долго убедување на сопругот и долго време барав рецепт како би уживале во нив и по дома. Плус - минус од мерките на состојките и стигнав до идеалната комбинација. Повелете!

Белките се матат со миксер додека не станат пена.
Во нив постепено се додава шеќерот и се мати долго, до цврст снег.
Во оваа смеса се додаваат мелените ореви и се меша со лажица, внимателно да не се изгуби многу од воздухот.
Од смесата, со рака или готварски шприц, се прават потковици или форми по желба. Ако се прават со рака, треба да биде брзо бидејќи од топлината на рацете смесата станува потечна и потешка за моделирање.
Орасниците се валкаат во сецканите ореви и се редат во плех на хартија за печење.
Се печат 30-40 мин на 100-120 Ц.

Повкусни се кога ќе преноќат, ако успеете да ги дочекате.

Уживајте во единствениот вкус!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови