Темата овојпат е точно погодена. Чорбички за овој ладен период. Ќе ви напишам една чорбичка која стои под името Молдавска чорба. Зошто,не знам, можеби и таму е актуелна.

Подготовка:

1. Пашканатот, морковот и празот добро се мијат, се лупат и се сецкаат на најситно во сецкото. Им додаваме вода и зачинуваме со свежо мелен црн бибер и сол. Оставаме да провријат, а штом провријат додаваме една рака тестенини.
2. Во истото време во друг сад, на оган, ставаме да се запржи месото, ситно сецкано на коцки. Заедно и свинското и телешкото. Го сецкаме на ситно, да може да се продолжи и свари подобро и побргу. Во запрженото месо ја додаваме замрзнатата азиска мешавина од зеленчуци. Промешуваме и додаваме уште една лажица брашно.
3. Во садот ја додаваме течноста која ја спремивме претходно, таа со морковите. Оставаме да се сварат мевцата и тестенини, додавајќи ловор лист.  Пред крајот наросив ситно сецкан свеж магдонос.
Ние уживавме во прекрасниот вкус на оваа Молдавска чорба.

*Забелешка - Месото може да го замените, наместо телешко, да ставите пилешки стек на коцки.
Нека ви е на здравје во овие ладни денови.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови