Прекрасен овошен намаз кој може да ви послужи за филови во торти,филување на палачинки или едноставно за намаз на лепче.
Едноставен во подготовката, а специфичен во вкусот.
Еве ја подготовката

Пасирајте ги јагодите и малините.
Јас ставив замрзнати малини па ми испаднаа малку водлести.
Додајте ги испасираните боровинки и се помешајте.
Ставете ги на оган во касерола и мешајте да се соединат.
Нека ја сменат малку бојата додека се затоплуваат и после 5 минутно мешање, тргнете ги од оганот.
Нека изладат и додајте го медот.
Мешајќи со лажицата соединете ја убаво смесата.
Лимонот го цедиме и сокот го додаваме во садот.
Промешајте добро и прекрасниот намаз е спремен за употреба.

Направете и извесете ме.
Јас нешто поубаво немам пробано.

Забелешка

Не морате да го затоплувате овошјето ако е свежо. Јас го затоплив затоа што малините ми беа замрзнати и имаше сок. Не засладувајте со шеќер, затоа што е доволен нивниот природен шеќер и медот.

На здравје

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови