Успешен рецепт за превкусни и меки кифли кои сите ги посакуваме. Филот можи да се прилагоди на потребите, можи и џем да се стави за блага варијанта со тоа што после печењето откако ќе се оладат, посипете ги со шеќер во прав.

Подготовка
Прво се активира квасецот во топло (не жешко) млеко заедно со шеќерот и малку брашно.
Откако ќе се активира, се меша со останатите состојки и се замесува меко тесто. Според овие состојки и количини, не би требало да има потреба за уште брашно или млеко.
Тестото покриено со крпа се остава 30 минути да нарасне на топло место.
Потоа се дели на 4 топки.
Секоја топка една по една се расукува во кружна форма со дебелина околу 3-4 мм и се сече на 16тина триаголници (прво на половина по хоризонтала, па пак на половина по вертикала, и сите четвртини се сечат на по 4 триаголници.
Се става зајре по желба, јас ги правев само со изварка. Зајрето се нанесува на пошироката страна и се роловаат во форма на кифли.
Готовите кифли се редат на плех обложен со хартија за печење. Се премачкуваат со жолчка, се посипуваат со сусам и на секоја се става по едно мало парче маргарин. Се оставаат уште 20тина минути во плехот и се печат на 180 степени околу половина час. Кога ќе почнат да се запекуваат (по18тина минути откако ќе се стават на печење), се премачкуваат со малку растопен маргарин и пак се враќаат да се допечат.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови