Во тенџере на рингла ставете го шеќерот со водата да зоврие. Тргнете на страна па додајте го иситнет маргаринот и измешајте да се соедини. Потоа додадете ја иситнета алвата, па бисквитите и на крај оревите.
Рецептот е од маминиот тефтер и дозата на ореви е така пишана, па јас почнав прво со 100 гр и потоа додадов уште 2-30на грама за да ја регулирам густината на филот онака како мене ми одговара. Овој пат имав малку повеќе од 250 гр алва, па решив да ја додадам целата.
Со жешкиот фил се филоваат обландите и се натиснуваат со тежок предмет за добро да се залепат. Се оставаат така неколку часа или најдобро пеку ноќ па потоа се сечат на коцки или било која форма по желба.

Фотографиите во овој рецепт се авторски фотографии.

Лиценца: Сите права се задржани