Ставете ги сите состојки за тесто во некоја вангла и почнете да ги сврзувате, да месите. Кога ќе добиете убаво мазно тесто, поделете го на топчиња со големина отприлика колку едно пинг-понг топче.
Калапот за цедење лимон од внатрешноста обложете го со фолија.
Ставете едно топче од тестото и со прстите формирајте длабнатина, притискајќи го тестото кон рабовите, да ја добие формата и да се направи џеб. Во него ставете 1 лажиче од филот, гледајте да не го наполните до горе за да можете потоа да го преклопите, да го затворите. Повторете ја постапката со целото тесто.
Наредете ги во тавчето за печење.
Печете во загреана рерна на 180 степени додека малку не добие боја на долните краеви.
Оставете ги малку да се изладат во плехот, извадете ги па повторете ја постапката со останатите колачиња.
За полнењето, печените кикиритки сомелете ги па измешајте ги со мармаладот, да се добие посуво полнење, да не е течно.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови