Едноставен но за мене еден омилен десерт.
Обично тиквата ја спремам без шеќер, но кога не е слатка по природа,тогаш
морам да ја зачинам.

Еве ја подготовката

Во сад налевам вода и млеко, го ставам шеќерот.
Ги додавам ванилите и циметот, а потоа ја додавам добро исчистената и измиена тиква која претходно ја исецкав на парчиња.
Ја поклопувам со капак и ја оставам да се вари на тивко.
Се вари пополека се додека не испари течноста од садот.
Потоа ја вадам од садот и ја служам со мелени ореви.
Кога ја варам без шеќер, тогаш ја зачинувам пред служење со агаве сируп.
На здравје со овој здрав рецепт.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови