Торта Мост

Пандишпанот
Jајцата ги делиме, настрана белките настрана жолчките. Во белките го додаваме постепено шеќерот и матиме со миксер. Откако ќе добиеме снег ги матиме жолчките додека добиеме густа смеса, ги додаваме во белките и повторно матиме ги додаваме млекото, маслото, пецивото и ванилата.
Откако сите заедно ќе ги изматиме го додаваме брашното и промешуваме со лажица.

Смесата ја истураме во правоаголен калап и печеме на температура од 200С.

Фил
На тенџере на оган го ставаме 350мл млекото и шеќерот да зовријат. Пудинзите ги раствораме во 150мл останатото млеко и го додаваме во тенџерето на оган мешаме додека да се згусти. Откако ќе се згусти го оставаме да се излади. Во изладениот пудинг го додаваме маргаринот и матиме со миксер потоа ги додаваме мелените бисквити и оревите и повторно матиме. Јас додавам уште малку млеко во филот за да не ми е многу густ да може да се премачка. Исто и маргаринот го матам со миксер претходно за да не ми се прави грутчиња кога ќе го ставам во пудинкот, ама тоа е по желба. Ако не сакате не мора, но јас така правам.

За филување
Испечениот и изладениот пандишпан го сечеме на 3 еднакви делови. На површина ставете 1 дел од пандишпанот и филувајте ја со филот. Постапката повторете ја и со другите 2 делови. На крај премачкајте ја целата тортата со преостанатиот фил и декорирајте ја по желба. Јас ја имам декорирано со ореви и кесе шлаг со вкус на чоколадо

Добар апетит...