Подготовка

1. Од состојките за тесто замесете средно меко нелепливо тесто. Поделете го тестото на 7 топчиња. Секое топче расукајте го во мала кора(големина колку мала плитка чинија). Премачкајте ги корите со масло и оставете да постојат 15-20 минути.

2. Во меѓувреме спремете го полнењето. Во тава на оган ставете малку масло и додајте ја ренданата тиква. Кратко пропржете ја, додајте сосема малку вода и оставете да се динста на тивок оган додека водата целосно испари. Оставете да се олади, па измешајте ја со урдата и малку сол.

3. На чаршав со раце растегнете една кора. Попрскајте ја со масло и нанесете од полнењето.
Со помош на чаршавот завиткајте ја во должина, а потоа од двете страни како полжав. Повторете ја постапката со сите кори.

4. Вака спреманите банички наредете ги во плех и премачкајте ги со масло. Печете на 200 степени, 25 минути.

Фотографиите во овој рецепт се авторски фотографии.

Лиценца: Сите права се задржани