Прекрасно сочно телешко...деликатес.
Во телешкото месо со тенок нож правиме џепчиња и го полнеме со лукот,морковот и краставичките(шпикуваме само за подобар вкус).Парчето месо го полеваме со масло,од сите страни го мачкаме со сенф,полеваме со балсамико и го додаваме рузмаринот.Вака подготвеното месо со маринадата го оставаме на ладно барем 12 часа.
После поминатото време на тава ставаме коцка путер и малку масло и го зачинуваме месото со сол и мешавината од мелен бибер прво од страната која ќе ја пржиме.Пржиме по две до три минути од секоја страна и пред пржење зачинуваме.
Во истата тава додаваме вино покриваме со алуминиумска фолија и го печеме месото во загреана рерна на 200 степени околу час и половина.Потоа ја вадиме фолијата го полеваме месото со лажица со сосот од печењето и оставаме да се пече уште половина час.
Печеното месо оставаме барем половина час да се подолади па го сечеме на парчиња(јас не оставив хаха)
Послужете со салата или прилог од компир.
На здравје!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови