Едноставна и интересна декорација или лага за малите деца да јадат :) За денот на вештерките, за оние кои слават, уште една интересна декорација, која ќе ја разубави трпезата. Јас ги користев како декорација на чиниите.

Подготовка:

1. Шпагетите искршете ги на парчиња од 10 см. Виршлата пресечете ја на 2 до 3 см. Можете да користите и друго колбавче. Избуцкајте ги парчињата виршлички насекаде како на сликата и ставете да се варат во посолена вода. Не ги преварувајте. Шпагетите нека останат поцврсти.
2. Кога ќе ги извадите од вода наредете ги да се исцедат и растегнете ги убаво ножињата на пајаците. Наместете им ги очињата, сакате со декор очиња, сакате со биберчиња. Се надевам ќе ви се најде оваа декорација.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови