Борот од дамнешни времиња се користи во народната медицина за лекување на дишните патишта, како и за лекување на кашлица и белодробни заболувања. Лековитите својства на борот може да се користат во текот на целата година, а најдобро е шишарките да се соберат и употребат додека се млади и големи најмногу до 5 цм, бидејќи како што растат ги губат лековитите својства и стануваат дрвенести.

Додека се млади, шишарките се богати во витамин Ц, што за жал се губи со термичката обработка, но содржат и етерични масла, лековита смола и многу антиоксиданти кои се зачувуваат, а севкупното делување на организмот е алкално, што значи се намалува киселоста на организмот со редовна употреба.
Додека го приготвував сирупот, домот ми мирисаше како да се наоѓам во центарот на огромна борова шума.

Подготовката е едноставна, оваа количина е за 1 неполна тегла сируп:

1. Прво шишарките ставете ги во вода да преноќат.

2. Следниот ден истурете ја водата и ставете ги во чиста вода само да провријат. Истурете ја таа вода, налејте ладна, додадете го шеќерот и оставете да се варат на тивка температура околу 4 часа додека не почне да се згуснува смесата и да се претвора во сируп. Мешајте повремено. 
3. Процедете и складирајте го сирупот во стаклена тегла или шише и чувајте го во фрижидер.
При настинка или проблеми со кашлица, земајте по 1 лажица наутро.

*Забелешка: Имајте во предвид да користите тенџере кое е нелепливо (јас користев Делимано) или некое старо тенџере кое нема да ви биде жал ако се уништи бидејќи се создава леплив слој на ѕидовите кој тешко се отстранува.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови