Торта со малини, името е доволно за да се разбуди нашиот апетит. Ова е торта со основа од јатки и овошен крем, споени во вкусен освежителен десерт.

Готвиме заедно со Ана Азгоур од блогот за жива храна Сурово и вкусно.

Преземи го рецептот во PDF

Состојки

За oсновата ќе ви треба:

  • 100 грама ореви
  • 170 грама бадеми
  • 15 свежи урми
  • 2 лажици ленено масло
  • 2-4 лажици вода (по потреба)

За кремот ќе ви треба:

  • 200 грама индиски ореви
  • 250 грама малини
  • 3 лажици јаворов сируп
  • 5 лажици кокосово масло

За подготовка на овој рецепт користиме Делимано Округла тава и Делимано Кујнски сецко.

Подготовка

Чекор 1:Индиските ореви покиснете ги во вода преку ноќ (најмалку 4 часа).

Урмите покиснете ги десетина минути, потоа излупете ги и извадете им ги семките.

Садот со кокосовото масло ставете го во друг сад со топла вода за маслото да стане течно.

Чекор 2:Најпрво оревите и бадемите измелете ги најситно што можете. Потоа додајте ги урмите и лененото масло и мелете сè заедно додека да стане изедначена смеса слична на тесто. По потреба додадете и неколку лажици вода.

Доколку немате сецко или машина за мелење што ќе ја собере целата смеса, може да мелете една по една од цврстите состојки, а потоа сите заедно со лененото масло и водата да ги замесите како тесто.

Чекор 3:Вака приготвената смеса ја расплескуваме во Делимано Округлата тава, па ќе ја ставиме во замрзнувач додека го подготвуваме кремот.

Чекор 4:За подготовката на кремот индиските ореви блендирајте ги заедно со малините, а постепено додавајте од јаворовиот сируп и кокосовото масло. Кремот е готов кога текстурата ќе биде мазна. Готовиот крем прелијте го врз основата во тавата и израмнете ја тортата. Ставете ја тортата во замрзнувач неколку часа за да се стегне.

Чекор 5:Сервирајте парче во чинија и декорирајте со малина и малку сок од малините. По желба, декорирајте и со чоколадни трошки, кокос во прав, овошје.

СОВЕТ: Вообичаено подготовката на една торта бара многу време, печење, матење и голема веројатност нешто да тргне наопаку. Но, ова е торта која ќе ја подготвите за триесетина минути, а додека е тортата во замрзнувачот, вие може да уживате во пладневната дремка!