Оваа роденденска торта ја направив со повод, односно за роденденот на мојот сопруг. Првпат ја правам, ама сигурно не и последен...преубаво чоколадно задоволство.

Подготовката е следна

1. Прво ја правиме подлогата, со соединување на наведените состојки, и веднаш ја расплесуваме рамномерно во округли калап со обрач на кој претходно ставаме хартија за печење (оставаме во обичен фрижидер )
2. Го приготвуваме првиот ред. Ја затоплуваме слатката павлака (без да зоврие) го додаваме чоколадото, мешаме додека да се стопи, тргаме од огин и ги додаваме лешниците. Оваа смеса ја ставаме врз подлогата и ја оставаме во замрзнувач пола час.
3. Го приготвуваме вториот ред. На потполно ист начин како првиот ред, само тука додаваме мелени бисквити. Оваа смеса ја ставаме врз првиот ред, оставаме во замрзнувач пола час.
4. Најзгора ставаме ганаж од млечно чоколадо. Јас ставив 1 бело, 1 црно ) и слатка павлака. Се стоплува павлаката, се додава чоколадото, мешаме додека да се стопи и ставаме врз вториот ред.
5. Се остава неколку часа во обичен фрижидер да се стегне, па го вадиме обрачот и сечеме.
6. Декорираме по желба. Јас со изматена слатка павлака плус какао и чоко топчиња.

Забелешка - јас употребив калап број 26

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови