Најпрво, сувите вишни и грозје полијте ги со коњакот, измешајте и затворете го садот со капак или фолија да отстои најмалку 1 час. Млекото загрејте го до млако, додадете го квасецот и измешајте додека истиот се стопи. Во длабок сад ставете го брашното, шеќерот, морското оревче, ренданата кора од лимон, солта, зејтинот, јајцата и додадете го млекото со квасец. Матете со миксер со спиралните маталки додека сите состојки се соединат па додадете го сувото овошје и кандираната кора од лимон и портокал. Кратко измиксајте, покријте го садот со крпа и ставете на топло да стасува околу 1 час.
Тестото изматете го уште еднаш кратко. Модлите за мафини (со средна големина) премачкајте ги со путер и наполнете ги со тестото. Покријте и оставете 15-20 минути да стасува.
Рерната вклучете ја да се загрева на 180 степени (вентилатор на 160 степени). Ставете да се печи околу 20 минути. Откако се испекло, извадете го од формите и оставете 10 минути да се излади па посипете со шеќер во прав.
Оваа количина на состојки е доволна за 9 парчиња мини панетоне.