Повторно стар прилепски рецепт од ризницата на баба ми, пренесуван на три генерации. Едноставен за подготовка, а многу голем деликатес.

Чекор 1
Кромидот се сецка. Се пропржува на тивок оган со масло по потреба додека да се добие карамелен стаклен изглед на кромидот. Тавчето се трга на страна и се додава црвениот пипер.

Чекор 2
Се чисти крапот. Му се отстранува главата. На едната страна, која подоцна ќе биде поставена нагоре во тавата се засекува. Се посолува одвнатре и надвор со сол и мешан сув зачин.

Чекор 3
Се попаруваат сувите сливи со врела вода за убаво да се измијат и веднаш се процедуваат. Се става во тавата кромидот, па крапот и од страната се редат сувите сливи. Се додава водата и се става по вкус сол и мешаниот сув зачин.

Чекор 4
На почеток се пече на температура од 220 степени, а подоцна се намалува на 180 - 200 степени во зависност од јачината на Вашата рерна.

Оди одлично со чаша бело вино.

Уживајте!

Фотографиите во овој рецепт се авторски фотографии.

Лиценца: Сите права се задржани