Суви пиперки кој ги обожаваме и ова е еден од начините на кој ги подготвуваме дома.
Пиперките ги потопуваме во врела вода и ги оставаме да стојат додека ние ги подготвуваме другите состојки.
Во длабока тава ставете околу 100-150 мл масло да се загрева. Кромидот исцкајте го ситно и додадете го во маслото да се запржи.
Празот ситно исецкајте го. Јас обично го користам само белиот дел и додадете го во кромидот и тој да се запржи, а потоа додадете го и лукот.
Во тавата додадете го оризот и пржете 3-4 минути додека почне да се лепи, а потоа додадете го меленото месо и повторно пржете уште 3-4 минути.
Во месото додајте го доматниот сос, зачинете по вкус и тргнете го од оган.
Пиперките извадете ги од водата да се исцедат, наполнете ги со смесата и наредете ги во тава.
Врз пиперките ставете вода од прилика да биде до половина на пиперките, затворете ги со капак и печете на 180 степени 45 мин.
Пиперките послужете ги со кисела павлака.
На здравје !!!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови