Многу мека погача која топло ви ја препорачувам.

Тесто
Во сад ставете го топлото млеко, сронетиот квасец и шеќерот.
Измешајте и оставете да стаса.

Потоа во садот додајте ги млекото, јогуртот, растопениот путер, солта, пецивото и куркумата.
Измешајте убаво со жица.
Потоа со постепено додавање на брашното замесете средно меко нелепливо тесто.
Покријте со крпа и оставете да стасува додека го спремате полнењето.

Полнење
Пилешките гради исечете ги на мали коцки.
Посолете и наросете бибер.
Во тава со малку маслиново масло ставете ги пилешките гради да се подзапржат.
10 минути е доволно за да остане месото сочно.

Извадете го месото од тавата и во истата тава додајте ја ренданата тиквичка и сецканото лукче.
Пржете кратко, само колку да подомекне тиквичката.

Моцарелата исечете ја на коцки.

Откако тестото ќе стаса поделете го на 2 дела.
Од првиот дел расукајте кора колку големината на плехот во кој ќе печете(јас користев 28цм).
Ставете ја кората во плехот премачкан со масло.
Врз кората нанесете ја тиквичката, потоа пилешките гради и на крај коцките моцарела.
Расукате ја и другата кора, а потоа ставете ја врз полнењето и нежно подвиткајте ја под долната кора за да се оформи убаво погачата.

Со вилушка разматете го јајцето и пастопениот путер.
Премачкајте ја убаво погачата и посипете со сусам и ленено семе.

Оставете да стасува додека се загрее рерната на 200степени.
Печете 15 до 20 минути.
Мене ми беа доволни 18 минути.

Испечената погача оставете ја малку да подолади пред да ја послужите за да има поубав пресек.
Кај нас се беше на брзина па не успеав на главната слика да доловам убав пресек.
На последната дополнителна слика се гледа како изгледа кога ќе биде подоладена.

Фотографиите во овој рецепт се авторски фотографии.

Лиценца: Сите права се задржани