Од 07.08.2019 до 27.08.2019 специјалниот натпревар е на тема:

Фит рецепти со производите од Натура

Учествуваат само рецепти кои во клучни зборови имаат: Натура.

Рецептите кои учествуваат во натпреварот треба да имаат фотографија од користениот производ, главна или во дополнителни.

5 НАГРАДИ ЗА НАЈДОБРИТЕ:

  • Пакет производи од Натура во вредност од 1500 ден.

Пакетот содржи:

  1. Маица/Натура
  2. Торба/Натура
  3. Здела/Натура
  4. Мусли премиум 300 гр.
  5. Фини овесни снегулки 300 гр.
  6. 4 Житни снегулки
  7. Корн флекс класик 250 гр.
  8. Овесен оброк суво грозје и цимет 60 гр.
  9. Семки од тиква лупена 75 гр.
  10. Семе од чиа 100 гр.
  11. Микс од 4 семиња 150 гр.
  12. Микс од овошје и јатки 90 гр.
  13. Сушена брусница 100 гр.
  14. Оризен кејк 100 гр.
  15. Кафеав шеќер Демерара 350 гр.
  16. Овесни трици 375 гр.
  17. Зачин 300 гр.
  18. Мусли со тропско овошје 650 гр.
  19. Ленено семе 100 гр.
  20. Сусам интегрален 100 гр.
  21. Сушен ананас 100 гр.
  22. Експандиран интегрален ориз 100 гр.
  23. Микс коктел 75 гр.

Забелешка: Рецептите од натпреварот со производи од Натура ќе бидат споделени и на Фејсбук страницата на Натура.


Правила на натпреварите

Натпреварите на рецепти на одредена тема се специјални натпревари, покрај Изборот на Рецепти на денот и Рецепти на месецот. Два пати месечно, тимот на МоиРецепти ќе зададе одредена тема за натпревар, а самиот натпревар ќе трае десетина дена. Ова ќе биде објавено на Фејсбук страната на Моирецепти, и на банер на moirecepti.mk.

Во овие рецепти учествуваат рецепти испратени од членовите на моирецепти.мк на вообичаениот начин, со тоа што покрај учеството во овој натпревар, тие учествуваат и во редовниот избор на Рецепти на денот, Рецепти на месецот.

Покрај основните критериуми кои важат за избор на најдобрите рецепти:

1. Квалитет на фотографија

(Квалитетни фотографии – изглед и презентација - направени од авторот на рецептот ќе бидат највисоко оценувани. Предност имаат оние фотографии каде што рецептот е прикажан сервиран во чинија. Употребата на неавторски фотографии не е дозволена.)

2. Иновативност на рецептот

(Под иновативност подразбираме иновативно користење на различни состојки, како и сопствен придонес на рецепти од други извори. На пример, одреден сопствен начин на комбинирање на состојките, додавање/менување на некои сопствени состојки, поинаков начин на готвење и сл.)

3. Број на лајк-ови

(Бројот на лајкови на самиот рецепт на moirecepti.mk од каде што ќе можете да го промовирате вашиот рецепти. Секој лајк се брои, но е само еден од критериумите за избор на вашиот рецепт меѓу најдобрите. Притоа, се зема во предвид и фактот дали рецептот бил или не бил објавен на ФБ страната на МоиРецепти)

4. Активност на готвачот

(Бројот на рецепти, како и нивниот квалитет, но и редовното учество во комуникацијата на моирецепти.мк влијаат при изборот на победници)

Во натпреварот на одредена тема, ние ќе ви зададеме одредена тема за готвење, на пример, тестенини во сос, рецепти со риба, чорби, итн. Оној рецепт кој е најдобар според горенаведените критериуми и ја опфатил зададената тема, ќе биде одбран за Специјален Рецепт на темата.

Кога се одбира Специјален рецепт?

Изборот на Специјален Рецепт на тема според горенаведените критериуми го врши тимот на moirecepti.mk

Готвачот на овој рецепт ќе биде награден со Делимано производ или ваучер за купување на Делимано производи во продажните места на Студио Модерна – а конкретната награда на секој избор ќе биде објавена заедно со темата на натпреварот.

Правилник на формата на рецептот

Име на рецептот: Пире од спанаќ

Краток опис:

Овој е еден од моите омилени јадења и уживам кога го спремам за моите пријатели. Оргиналниот рецепт ми го даде добра пријателка, но јас додадов уште неколку состојки кои мислам дека го направија уште подобар.

Состојки:

  • 50 гр Брашно
  • 400мл Млеко
  • 3 чешниња Лук
  • 1кг Спанаќ
  • 1 лажичка црн пипер
  • 1 лажичка сол

Подготовка:

(Начинот на подготовка треба да биде прикажан во одделни чекори)

Исчистениот спанаќ убаво се мие.

Се загреваат 2 литри вода и во неа се става спанаќот, се посолува и се остава да се вари неколку минути. Потоа се цеди и се сечка ситно.

Во тенџере се загрева маст или путер, се додава брашното, исечканиот лук и убаво се меша.

Потоа се додава спанаќот и сè заедно се пропржува, се додава млекото, црниот пипер и се остава уште извесно време да се вари додека не омекне спанаќот.

Забелешка (совет):

(Напишете нешто специфично за рецептот што сте го откриле од вашето искуство, или пак некој совет на што треба да се внимава при приготвувањето).

По желба може да се изренда пармезан во чинијата при сервирањето.