Лепчиња со компир
Тесто од кое лебот е свеж, мек, како што знаеме да кажеме - Дише лебот...
Овој пат наместо леб си направив мали повеке на број лепчиња
- Сварете го измиениот компир во лушпа, сварен и малку подоладен колку да можете да го држите со рацете. Излупете и изрендајте на ситната страна на рендето или стиснете низ пресата која е наменета за него. Оставете настрана.
- Во 50 мл, вода растворете го квасецот, додајте го шеќерот и 1 лажица брашно, разматете и оставете да се запени, да нарасне.
- Во садот во кој ќе месите ставете го брашното, квасецот, малку измешајте го, додадете солта, компирот и со водата замесете тестото. Не ја ставајте одеднаш целата количина на вода, (зависи какво брашно користите). Треба да добиете убаво меко тесто, не лепливо на рацете. Покријте го и оставете на топло да стаса. Кога еднаш стасало - премесете го, покријте и повторно оставете да стаса.
- Од по втор пат стасано тестото направете леб, еден или два помали.. како сакате... (јас направив повеќе малецки), така што ке го истурите тестото на добро побрашнета површина ) со рацете растегнете го тестото во правоаголна форма и здиплете како плик. Ставете на побрашнето чаршавче, покријте и нека стаса.
- За печење изберете подлабок сад со капак, а и да нема користете фолија.
- Вклучете ја рерната на 250 степени да се загрее, а во неа ставете го садот и во кој ќе печете. Кога лебот е стасан, внимателно извадете го загреаниот сад, префрлете го лебот, поклопете со капакот или покријте со фолија. Ставете да се пече 25 минути по што ќе го отклопите садот и продолжете да печете на намалена температура од 200 степени околу 15 минути.
- Испечениот леб извадете од садот и ставете да се лади покриен на решетка.
Напомена
- Доколку сакате да имате две помали лепчиња, тогаш ќе печете во два сада, никако нема да згрешите ако печете само еден леб.
- Јас го поделив тестото на повеке малецки, ги оформив, ставив на побрашнето чаршавче да стасуваат, ставив да се пече во пекачот кој има капак.
Лиценца: Сите права се задржани
