- Излупете и ситно исцкајте го компирот и кромидот. Нека се загрее маслото и ставете ги во тава која е со нелеплива подлога. Покријте со капак и оставете да се пржат се до нивно омекнување. Повремено промешувајте.
- Додека се пржат изрендајте го на едрата страна од рендето кашкавалот, пармезанот и биберот измешајте ги.
- Кога омекнал компирот и кромидот со вилушка згмечете ги, нека има рестови од комприот, да не е како пире. Потоа ставете го ренданиот кашкавал, пармезанот и биберот. Промешајте да се соединат сите состојки, ставете на оган тавата и нека се топи кашкавалот. Од топењето на самиот кашкавал ќе има повеке масло кое лесно ќе можете да го одцрпите.
Зависно од оганот доволно е 2 мин, потоа со помош на плиток рамен тањир помогнете си да го превртите и вратете во тавата да се запече и од другата страна.
- Лесно само лизнете го во плиток тањир во кој ќе го сервират. Додека е топол исечете го на четири парчиња и служете. Додека е топол тој е многу вкусен и се развлекува на конци, а компирот и кромидот го прават да не е обичен топен кашкавал.
Овој рецепт бил традиционален во Северна Италија и се служел со полента. Приказната за него вели дека во годината која била доста сиромашна за сите - св.Ермакор кој во денешницата бил патрон на Удине, отишол на гости кај овчар кој исто така бил погоден со лошата година. Тој немајки со што да го послужи направиле полента и ставил да се згрее цвика, па да ја збогати ставил корки од веќе исушено сирење кое во цвиката се стопило. Гостинот послужен и истиот презадоволен бидејки за прв пат вакво нешто вкусил. Приказната вели дека токму вака во 15 век. настанало ова Фрико подоцна поусовршено. Јас направив половина од состојките за двајца и ни беше вкусно и со зелена салата.
Ценам дека овде може да се додаде и магдонос. Зависно кој тип на кашкавал користите ако не ви е солен, при топењето додадете и сол, а колку е поароматен кашкавалот толку е повкусно.
Приготвував во тавата од 20 см. од најновата линија на Делимано.

Фотографиите во овој рецепт се авторски фотографии.

Лиценца: Сите права се задржани