Многу вкусен рецепт и откако го направив и пробав, сфатив дека е еден од најкорисните начини да се искористи лебот за да се создаде нешто ем вкусно ем да го личи на масата и пред гости. Првата третина од лебот ја искористив сабајлето за да ги направам полнетите кајчиња, ќе го има и тој рецепт објавен, а останатите 2/3 ги искористив за да ги наполнам со некој вид на коктел салата (нешто како француска) и после сечење баш личат на солени ролати и во вкус и во изглед. Топло ви го препорачувам.

Подготовка

Багетот се сечи на 3 дела. Јас искористив 2 дела, а вие можете и сите 3.
Се вади средината со помош на нож или ако имате потенко раче, со рака.
Средината се кини ситно и се прелева со јогурт за да се навлажни. Оставете да впие кратко.
Измешајте ги сечканите краставички, моркови, салама, кашкавал, додадете ја изварката и мајонезот и омекнатата средина од лебот и измешајте убаво.
Јас откако го наполнав едниот багет, во останатиов фил ставив 2 лажици ајвар и другиот багет го наполнав со тој фил.
Откако ќе ги наполните багетите, убаво завиткајте ги во најлонска фолија и ставете и неколку часа во фрижидер да стегнат убаво за да може да се сечат без проблем.
На здравје

По ваш вкус може да си го адаптирате филот, само гледајте багетот да е пресен.,

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови