Бисерни школки
Состојки
- Тесто
- 2 шољи мелени бисквити со путер
- 1 шоља мелени ореви
- 1 шоља шеќер во прав
- 1 јајце
- рум по вкус
- Фил
- 1 јајце
- 2 жолчки
- 6 лажици шеќер во прав
- 1 лажица брашно
- 2 лажици млеко
- 50 гр чоколадо
- 200 гр маргарин
Подготовка
За тестото:
Јајцето малку сварете го на пареа, па заедно со другите состојки направете тесто. Ако е потребно, ставете и лажица, две шербет.
За филот
Сите состојки, освен маргаринот, сварете ги на пареа, па кога ќе се олади измешајте ги со измиксаниот маргарин.
Од тестото земајте парчиња со големина на орев и формирајте половинки школки со помош на калапче.
На секоја втора половинка ставете од филот со помош на шприц и затворете со друга половинка. Можете да ги украсите со украсно бонбонче.