Видео рецепт: Плескавица со црвени пиперки, моцарела и чипс од тиква

Кога самите правите плескавици тоа значи дека можете да гарантирате за состојките во нив, како и да си поигрувате со различни ароми и вкусови. Овде Ви нудиме обичен рецепт за плескавица со необичен фил.

Состојки

• 2 земички за плескавица
• 2 кришки Моцарела
• 250 грама мелено телешко месо
• 1 супена лажица оригано
• 1 главица црвен кромид
• 2 чешниња лук
• половина печена пиперка
• 2 кришки домат
• 2 големи листа марула
• половина мала тиква
• сол и бибер
• маслиново масло

Подготовка

Чекор 1: Прво ќе ги направиме плескавиците. Изрендајте го лукот, а потоа и кромидот.

Потоа во длабока чинија ставете ги меленото месо, кромидот, лукот и ориганото и зачинете со сол и бибер.

Засукајте ги ракавите и извалкајте ги рацете мешајќи ги сите состојки заедно. Многу рецепти за плескавици содржат јајце или презла, но со тоа што ставаме кромид добиваме полесна и поздрава состојка за врзување. Кога смесата добро ќе се врзе, оставете ја малку во фрижидер.

Чекор 2: Време е за сечкање. Прво исечкајте го доматот… Подоцна ќе го ставиме
во земичката. Сега исечкајте ги печените црвени пиперки. Потоа и моцарелата. На крај исечкајте ја тиквата на поголеми парчиња во форма на чипс.

Чекор 3: Извадете го месото од фрижидер... изгмечете го на даската и исечете го на 4 парчиња.
Од 500 грама мелено месо се прават 4 плескавици, но овде ќе ни требаат само две. Со раце правиме топчиња од месото пред да го полниме.
А сега полнењето… Направете џеб во средината на плескавицата – наполнете го со моцарела и парче црвена пиперка.
Потоа затворете го топчето мелено месо околу филот, со раце давајќи му форма на плескавица.

Чекор 4: Време е за грил – Ќе ја затвориме плескавицата и ќе го почнеме процесот на подготовка во грил тавата, а подоцна ќе ја ставиме во рерна… Убаво затворете ја плескавицата од двете страни за да се задржат бојата и вкусот.

Ставете ги плескавиците во Делимано тавата за печење заедно со чипсот кој го зачинивме со сол, бибер и маслиново масло.

Печете во рерна на 150 степени во траење од 20 минути додека плескавиците не станат цврсти, но не и премногу тврди… Чипсот ќе биде готов за приближно исто време.

Чекор 5: Време е за сервирање: Плескавицата ја сервираме во земичка со марула и кришки од домати. Чипсот наредете го отстрана во купчиња, по три парчиња во секое купче.

СОВЕТ: Овој забавен рецепт не само што изгледа одлично, туку има и одличен вкус. Подгответе го во текот на летото и плескавиците испечете ги на скара.
А можете да се обидете и со друга варијанта за филот и да ни кажете како Ви успеало.

Користени Делимано садови за подготовка на овој рецепт: Ростер ; Грил тава