Банана колачиња
Состојки
- 120 гр путер
- 1 чаша шеќер
- 1 јајце
- 2 големи банани
- 1 лажиче сода бикарбона
- 2 чаши брашно
- 1 чаша сецкани ореви
- 1/2 чаша кокос
- по 1/2 лажиче цимет, каранфилче, мускатно оревче
- 50 гр. чоколадо со што повисок % какао
Подготовка
Најпрво изгмечете ги бананите и во нив ставете ја содата.
Потоа измиксајте го путерот со шеќерот и јацето, додајте ја бананата и уште малку измиксајте. Потоа ставете ги и другите продукти, а чоколадото исецкајте го и ставете го на крајот мешајќи со лажица.
На плех покриен со хартија ставајте со мало лажиче од смесата и печете ги на 180 степени, десетина минути, кога ќе поруменат малку по краевите, готови се...