Црнобели ролатчиња со кондензирано млеко
Состојки
- За црниот дел
- 300 мл засладено кондензирано млеко
- 3 лажици какао
- 50 гр стопен путер
- 300 гр мелени бисквити
- За белиот дел
- 200 мл слатка павлака
- 80-100 гр кокос
Подготовка
1. Во длабок сад измешајте го кондензираното млеко со какаото до соединување, додадете го путерот и повторно соединете.
2. На крај додадете ги постепено мелените бисквити. На почеток мешајте, а потоа измесете со рака.
3. Оставете го тестото во фрижидер додека го спремите белиот дел.
За него, изматете ја павлаката и потоа со мешање додадете го кокосот.
4. Развлечете го црниот дел меѓу две пек-хартии и врз него распоредете го белиот.
За убаво да го прилепите прво распоредете го насекаде, а потоа ставете пек-хартија и израмнете го со оклагија.
5. Оставете го кратко во фрижидер да се стегни и потоа сечете го на посакуваните парчиња.
Ролатот во принцип е цврст потоа и додека го спремате само внимавајте на додавањето на крај на сувите состојки...постепено.