Испечати

Чоколадирани тостерки со грахам брашно и цимет

Чоколадирани тостерки со грахам брашно и цимет

Состојки

  • 150 гр грахам брашно
  • 250 гр бело брашно
  • 1 лажиче прашок за печење
  • 1 ќесиче ванилин шеќер
  • 6 лажици шеќер
  • 1 ќесиче цимет
  • 3 јајца
  • 125 гр маргарин
  • 50-60 мл млеко
  • 80 гр чоколадо за цртање одозгора

Подготовка

Имагинацијата беше во подем кога решив да се забавувам со тостерките. Така, покрај шарените паралално се вметна и оваа верзија. Имено, од овие започна експериментирањето...имав грахам брашно кое за малку си стоеше веќе некое време, и така започна авантурата, баш од него, па идеите се нижеа во моментот.

1. Измешајте ги сувите состојки и потоа истријте го маргаринот низ раце со нив.

2. Додадете ги јајцата и почнете со месење, при што постепено на крај ќе го додавате млекото.

3. Од тестото правете мали топчиња колку орев и печете ги во загреан тостер.

4. Печените тостерки потоа исшарајте ги со стопено чоколадо.