Новогодишни грицки со чиа, лен, сусам, семки од сончоглед и свинска маст
Состојки
- 500 до 550 гр брашно
- 1до 2 лажички сол
- 1/2лажиче шеќер
- 20гр свеж квасец
- 1 јајце
- 1 белка
- 150мл млеко
- За премачкување
- 1 жолчка и 1 лажица масло
- Семки од сончоглед
- 250 гр Свинска маст
- По едно цело лажиче лен, чиа, сусам, семки од сончоглед
Подготовка
Сум правела најразлични грицки Овие ме пленија со својот вкус, можеби поради содржината на квасецот. Најчесто сум ги правела со пециво или без. Топла препорака да ги подготвите. Излегуваат 2 плеха, количински ги има многу.
Подготовка
1. Малку го загреваме млекото, додаваме шеќер и квасец. Промешуваме и оставаме да се активира.
2. Во вангличка се ставаат маста, белката, целото јајце, солта и се мати со миксер 1,2 минути. Со исклучен миксер го додаваме активиран квасец и брашното. Ги додаваме и семките, чиа, лен, сусам.
Месиме со рака да добиеме мазно, нелепливо тесто.
3. Тестото го делиме на 2 дела. Од нив сучиме правоаголник кори. Дебели од прилика 5,6 мм.
Со модлички вадиме формички по желба. Ги редиме во плех и одма ги печеме, значи не чекаме да стасуваат. Печиме околу 15 минути. Од кога ќе се изладат се чуваат во лимени кутии.