Испечати

Чоколадни мафини со полнеж

Чоколадни мафини со полнеж

Состојки

  • чаша = 180 мл
  • 1 чаша брашно
  • 1 чаша шеќер
  • 1 ќесиче ванилин шеќер
  • ½ лажиче прашок за печење
  • 80 гр путер
  • 3 лажици какао
  • 1 јајце
  • 1 чаша јогурт
  • ½ чаша + за потурање сок од вишни (или портокал и неговата рендана кора)
  • 15на лажички слатко, мармалад или било кој крем по ваша желба (овде е користено слатко од дуњи, сечкано на коцки)
  • Прелив
  • 50 гр чоколадо
  • 20 гр путер
  • 1 со куп пооолна лажица нутела крем

Подготовка

За роденденот негов, татко ми ми рече дека не сака оваа година торта заради шлаговите и кремовите кои му сметаа тој период. Така решив да му спремам изненадување со мафини. Изборот беше чоколадни се разбира, заради сите присутни кои сакаат чоколадно, а полнежот решив да го направам со парчиња слатко од дуњи заради него, иако прва намера ми беше нутела. И на наше општо изненадување слаткото од дуњи се вклопи перфектно во цела композиција на мафинот.

Подготовка

1. Стопете го путерот заедно со сокот од вишни и какаото.

2. Во вангла ставете го јајцето, јогуртот, шеќерот и ванилата и убаво изматете го со жица или миксер.
Потоа измашајте или измиксирајте ги сите состојки заедно со брашното и прашокот за печење.

3. Ставете хартиени корпи во модлите за мафини или намрсете ги ако не ги користите и во секое ставете по 2 лажици од смесата, па потоа во средината ставете од слаткото од дуњи (или вишни, или било кое и што да изберите), па врз тоа уште по 2 лажици од смесата.

4. Печете на 180С 15-20 минути. Печените мафини избоцкајте ги со чачкалица и потурете ја секоја со по 2 лажички сок од вишни.

5. Стопете ги состојките за прелив и секое мафинче макајте го за да се глазира. Одозгора украсете по желба.