Посни кикирики бомбици (готови за половина час)
Состојки
- 200 гр Бисквити (мелени)
- 100 гр Кикирики (грубо мелени) печени, несолени.
- 75 мл Вода
- 100 гр Шеќер
- 100 гр Маргарин
- Плус за увалување на бомбиците
- 50 гр Кикирики (грубо мелени) печени, несолени.
Подготовка
Побрзо, полесно и повкусно заблажување нема. Во пресрет на посните слави (од кои дел е и нашата куќна слава - Свети Ѓорѓија) ви ги предлагам овие посни кикирики бомбици, кои се топат во уста.
Подготовка
1. Во длабока чинија ги ставаме мелените бисквити и грубо мелените кикирики - соединуваме.
2. Во мала касерола ги ставаме водата, шеќерот и маргаринот. На тивок оган ги доведуваме до растопување шеќерот и маргаринот, со повремено промешување. Оваа течност ја истураме кај бисквитите и кикириките и соединуваме.
3. Формираме бомбици со големина по желба (од оваа доза мене ми испаднаа околу 30 бомбици). Формираните бомбици ги увалуваме во грубо мелените кикирики.
На здравје!