Pull apart леб со свеж босилек
Состојки
- 20гр свеж квасец
- 1лажиче сол
- 1лажиче шеќер
- 50гр растопен путер
- 100мл млеко
- 120мл јогурт
- 1/2 малку матено јајце
- Околу 370 до 400 гр брашно
- Премаз
- Голем грст ливчиња свеж босилек
- 30гр путер
- 50гр бело сирење
- За премачкување
- 1/2јајце, сусам
Подготовка
Ароматичен и вкусен леб. Пробајте го
Подготовка:
1. Во топлото млеко ставаме шеќер, квасец, лажиче брашно и промешуваме. Од кога е активиран, го ставаме во вангличка, па додаваме јогурт, путер, сол, јајце. Промешуваме и замесуваме средно меко тесто. Го покриваме и оставаме да се дуплира.
2. Потоа од него сучиме правоаголна кора. Во чашата на нутрибулет ги ставаме ливчиња свеж босилек, путер и сирење. Соединуваме. Со оваа смеса ја премачкуваме кората. Ја сечиме на квадрати. Ги редиме еден врз друг, по 5,6 парчиња и ги ставаме едно до друго исправени. Покриваме и оставаме на топло 30 минути. Премачкуваме со јајце, наросуваме сусам.
3. Печиме околу 25 минути. Оставаме на решетка да подизлади, па послужуваме.