Испечати

Погача од триаголници, со фил од праз и сирење

Погача од триаголници, со фил од праз и сирење

Состојки

  • 20гр свеж квасец
  • 1/2лажиче шеќер
  • 1лажиче сол
  • 4лажици масло
  • 6лажици кисело млеко
  • 6лажици млеко
  • Околу 500гр брашно
  • фил
  • 2 страка праз
  • 100гр бело сирење
  • 1/2 изматено јајце
  • Малку сол и малку бибер
  • Масло за пржење
  • 1/2јајце за премачкување
  • сусам

Подготовка

Многу мека и вкусна погача е мојот денешен предлог

Подготовка:

1. Прво го подготвуваме филот. На загреано масло го запржуваме ситно сецканиот праз. Тргаме од оган, па додаваме дробено сирење, јајце, сол, бибер. Млекото го загреваме, додаваме шеќер, лажиче брашно и квасец. Промешуваме и оставаме да се активира.

2. Во вангличка се ставаат активирани квасец, сол, масло, кисело млеко и убаво соединуваме. Додаваме брашно и замесуваме средно меко тесто. Го покриваме и го оставаме 15 минути да одмори.
Потоа го делиме на топчиња. Отприлика од 12 до 14,во зависност колку сакаме да ни се големи триаголниците.

3. Секое топче го расукуваме во мало кориче. Ставаме од подготвениот фил по едно полно лажиче.
Завиткуваме во форма на триаголник. Така подготвени ги ставаме во тава бр 26 или 28. Оставаме на топло 10 минути, премачкуваме со јајце, наросуваме сусам.

4. Печиме околу 30 минути во загреана рерна. Исечената погача ја оставаме на решетка да се подизлади, па ја сервираме со чаша јогурт.