Испечати

Мафини од леб

Мафини од леб

Состојки

  • 5-6 кришки бајат леб
  • 1 јајце
  • 100-150 мл јогурт
  • 2 лажици брашно
  • половина лажиче прашок за пециво
  • 100 г исечкана шунка на коцки
  • 100 г исечкан кашкавал на коцки
  • 3 кисели краставички исечкани на коцки
  • 2 лажици печен сусам (ако имате)
  • 2-3 лажици масло
  • зачини по вкус сол, оригано за наросување
  • 50-100 мл газирана вода (опционално)

Подготовка

Стариот леб е секогаш предизвик како да се искористи. Потпечен во рерна со лукче и кашкавал, тостови, попара, печени лепчиња со путер, буковец и нане, пржени со јајца, идеи безброј. Овој пат решив да се решам со мафини од леб-оти да не.

Можи да користите каков било леб, мојот беше остатоци од бел и интегрален леб, пола пола. Искинете го на мали парчиња и прелејте го со јогуртот и оставете го да впие.
Пригответе го зајрето. Додадете го јајцето, 2 лажици брашно и малку прашок за пециво, додадете масло, сол, јас имав и печен сусам додадов, измешајте се. Ако ви изгледа многу сува смесата, додадете газирана вода (или обична ако немате газирана).
Оваа смеса ми беше доволна за да го наполнам калапот за мафини од 12.
Намрсете го калапот и наполнете ги дупките со смесата. Наросете оригано и сусам и ставете да се печат на 180 степени околу половина час.

После печење, нека оладат 7-8 минути, па вадете ги од калапот. Ќе добиете превкусни мафини кои ќе се топат в уста. Комбинирајте со јогурт или кисело млеко.

Мажот ми изеде 7 мафини и не ни осети дека се правени од леб, откако ги изеде му кажав и мислеше дека го зезам. Е до толку се убави, само што не можат да се кренат и нарастат како мафините од брашно.