Испечати

Есенски сочен колач

Есенски сочен колач

Состојки

  • 2 Јајца (големина Л)
  • 80 гр Шеќер
  • 1 Ванила
  • 200 мл Млеко
  • 100 мл Масло
  • 200 гр Брашно (просеано) соединето со 1/2 пециво
  • 40 гр Чоколадо (за готвење)
  • ПЛУС
  • 300 гр Јаболка (околу 2 средна големина)
  • 1 Ванила
  • 1/2 м.л. Цимет
  • За посипување по желба и вкус Шеќер во прав (или рендано чоколадо)

Подготовка

Есента пристигна, што значи дека е време за јаболката и разни деликатеси со нив. Па затоа, кога ќе немате многу време за подготовка, направете го овој лесен колач за секој ден, со топол чај или кафе, и се разбира добро друштво.

Подготовка

- Во длабок сад ги миксираме пенасто јајцата со постепено додавање на шеќерот, па ја додаваме и ванилата.
- Потоа ги додаваме млекото, па маслото - миксираме.
- На крај го додаваме брашното (соединето со пецивото) преку цедалка, соединуваме до хомогенизирање со шпатула или кратко миксираме на најспората брзина.
- Сега го додаваме чоколадото (рендано на крупната страна од рендето) - нежно соединуваме со шпатула.
- Оваа смеса ја истураме во сад (со димензии 30х20) намрсен и набрашнет.
- Врз смесата ги распоредуваме јаболката (крупно рендани и посипани со претходно соединети ванила и цимет) кои ги истискуваме од течноста што ќе ја пуштат, но не потполно.
- Печеме во загрена рерна на 180 степени до поруменување (јас печев околу 40-45 минути). Проверете и со чачкалица.
- Испечениот колач прво потполно нека олади, па го сечеме на парчиња и уживаме во неговиот вкус.

Забелешка - Зависно од блажината на јаболката, по вкус и желба може одозгора да го посипете колачот со шеќер во прав. Јас по мој вкус изрендав чоколадо.

На здравје!