Пиперчиња во тегли
Состојки
- околу 3 кг пиперчиња
- Солило
- 2,5 литри вода
- 90 гр крупна сол
- 60 гр шеќер
- 60 мл есенција
- 5 гр винобран
- За полнење
- 400 гр урда
- 1 лажиче сол
- 1-2 лажици кисела павлака
Подготовка
Страдам за вакви нелути пиперчиња, но се поретко можат да се најдат. Комшивката ме слушна и ми ги даде нејзини одгледани во градината. Рече ете ти нелути. Ама пак не беа... Среќа што решив вака да ги напраам, едни цели и едни полнети.
Подготовка:
1. Најпрво се меша солилото, се убаво да се раствори.
2. Оние кои не беа за полнење, ги ставив во тегли и ги наполнив до горе со солило. Оние кои се за полнење, ги оставив во солилото преку ноќ, претходно извадени рачките и семките. Потоа ги исушив од течноста.
3. Урдата кај мене не беше солена, па солта е со усул да ја ставате. Павлаката е да даде кремаста структура на урдата, а се додава во зависност колку е сочна или сува таа.
4. Со ова ги полниме пиперчињата и ги редиме во тегли. Дополнуваме масло во теглите до горе.