Испечати

Орео чизкејк

Орео чизкејк

Состојки

  • ОСНОВА
  • 230 гр орео колачи
  • 130 гр путер
  • ФИЛ
  • 250 гр сирен намаз (јас користам АВС намаз)
  • 100 гр маскарпоне сирење (или вајкрем)
  • 180 гр шеќер во прав
  • 250 мл слатка павлака
  • 1 ванила
  • 1 желатин
  • 120 гр (или 10 колачи) орео колачи
  • ЗА ДЕКОРАЦИЈА
  • 100 гр орео колачи
  • 200 мл слатка павлака

Подготовка

ОСНОВА
1. Колачите се ставаат во кеса и се ронат со оклагија на поситни делови (понекогаш јас ги мелам со чоперот на Делимано за да биде поситна смесата)
2. Путерот отстојан и омекнат на собна температура се меша со издробените (или сомелените) колачи и се соединува убаво со рака.
3. Смесата се става на дното на калап 24 см со стегач.

ФИЛ
1. Сирниот намаз се мати со миксер заедно со шеќерот во прав и во него се додава маскарпонето (или вајкремот)
2. На страна се мати слатката павлака и таа се додава во претходната смеса
3. Желатинот се потопува со 4 лажици вода и се остава да набабри, а потоа се загрева или во микро или на тивок огин. Се растопува (но не да зоврие !) и се додава во претходната смеса. Брзо се мати со миксерот, кратко, за се заедно убаво да се соедини
4. Половина од филот се истура врз основата од орео колачи
5. Колачите (се зимаат 6 од наведените 10 колачи) и се делат на половинки и се редат по една половинка во круг по краевите врз филот.
6. Преостанатите 4 колачи (од наведените 10 колачи) се мелат со Делимано чоперот и се додаваат во втората половина од филот. Се промешува филот, (добива потемна боја од колачите од првиот дел) и истиот се премачкув врз наредените орео колачи.
7. Дел од колачите за декорација ги мелам и посипувам врз филот, а дел од нив ги редам цели
8. Слатката павлака се мати и со шприц се декорира по желба
9. Се остава да се излади 5-6 часа (мене лично ми е поубав чизкејкот кога е замрзнат затоа што ми е некако како сладолед)
....... дел од сликите се со фил кој има бледо порокалова боја кој ми е правен на два начина - едниот е правен со желатин со боја и вкус на мандарина, но таков не се наоѓа на нашиве простори, па затоа ви ја напишав верзијата која ни е подостапна, но ги испратив и сликите од двете верзии.