Банана леб
Состојки
- 100 гр стопен путер
- 3 лажици мед
- 2 јајца
- 3 големи зрели банани
- 1 лажица ванила арома
- 100 гр бадемово брашно
- 50 гр кокос
- 1 лажиче пециво
- 1 лажиче сода
- 1 лажиче цимет
- 100 гр исечкани ореви
- 1 банана за украс
Подготовка
Миризлив, вкусен, влажен колач со банани.
1. Одберете 3 големи банани, ако се помали и четири. Најубаво е ако се зрели, со кафеави дамки на кората. Испасирајте ги.
2. Во нив додајте ги јајцата, медот и стопениот путер и измешајте убаво.
3. Потоа додајте ги и другите состојки и убаво измешајте. Смесата ставете ја во долг калап за леб, прекриен со хартија. Горе наредете ја исечканата банана.
4. Печете во загреана рерна на 180 степени отприлика 1 час. Секако пред тоа време проверете со сува чепкалка дали е испечено.