Испечати

Меден ролат со чоколадо и вишни

Меден ролат со чоколадо и вишни

Состојки

  • Кора
  • 5 јајца
  • 5 лажици шеќер
  • 2 лажици врела вода
  • 3 лажици какао
  • 3 лажици брашно
  • 3 лажици масло
  • 1 лажиче пециво
  • Крем
  • 3 жолчки
  • 4 лажици шеќер
  • 2 лажици брашно
  • 400 мл млеко
  • 3 пакетчиња ванилин шеќер
  • 100 гр чоколадо
  • 120 гр путер (маргарин)
  • Прелив
  • 3 лажици мармалад од вишни
  • 2 лажици мед

Подготовка

Најпрво јајцата убаво избиете ги со шеќерот, па додадете ги двете лажици врела вода и продолжете со матење. Додадете го маслото. Сувите состојки измешајте ги и постепено додавајте ги во јајцата, матејќи со миксерот на најниска брзина.
Рерната загрејте ја на 180 степени.
Плехот прекријте го со хартија и турете ја смесата. Печете отприлика десетина минути.
Кога ќе биде готово, завиткајте го тестото со се хартијата во ролат.

За кремот, одвојте од млекото стотина милилитри и во него разбијте го брашното и жолчките.
Преостанатото млеко, заедно со шеќерот и ванилата ставете го да зоврие и турете ја смесата од брашното. Сварете крем. Додека е жежок во него ставете го чоколадото да се истопи. Откако ќе се олади, во него ставете го путерот и убаво измиксајте го.
Одвиткајте го тестото од хартијата и премачкајте го по целата површина од медот и мармаладот. Над него ставете го филот. Има фил доволно, така што оставете дел и за одозгора. Завиткајте го ролатот, и ставете го во фрижидер да се стегне пред служење.