Испечати

Летна салата од тиквички, кисело млеко, магдонос и ѕаѕики зачин

Летна салата од тиквички, кисело млеко, магдонос и ѕаѕики зачин

Состојки

  • 1 средна тиквичка
  • 1 рака сецкан магдонос
  • 400гр кисело млеко
  • 1 чешне лук
  • 1/2 лажиче ѕаѕики зачин
  • 1 лажиче сол
  • 1-2 лажици брашно
  • 2-3 лажици масло
  • малку копар

Подготовка

Многу декоративна, вкусна салата, која можеби ќе мислите дека бара малку повеќе време.
Но не...брзински оде спремањето, доколку имате љубов за подготовка на истата.

Прво излупената млада тиквичка ја сечиме на кругови.
Секој круг го делиме на 4 парчиња.
Во кеса ставаме лажичка сол, брашно и промешуваме.
Ставаме на оган тава со малку масло да се загрее.
Потоа земаме одприлика 1/3 од четвртинките тиквички.
Ги ставаме во чистата кеса со сол и брашно.
Протресуваме.
Парченцата ги ставаме во тавата да се запржат од двете страни, ги превртувааме едно по едно парче.
Постапката е иста со остатокот на тиквичките.
Ги ставаме во тајнир и оставаме да се изладат.
Во киселото млеко, го додаваме пасираното лукче, зазики зачин, сол, копар.....
Во стаклени две зделички на дното ставаме пржени тиквички.
Покриваме со сецкан магдонос, па ставаме зачинето кисело млеко.
Постапката ја повторуваме уште еднаш.
Завршуваме со парченца тиквичка, копар, магдонос
Оставме во фрижидер 15 минути па послужуваме.

Нареден пат ќе ставам и толчени ореви, верувам дека ќе биде совршена.
Денес од брзање ги заборавив