Домашен намаз (од варени јајца)
Состојки
- 2 Јајца (тврдо варени)
- 1 Младо кромитче
- 20 гр Павлака
- 30 гр Крем Сирење
- 1/3 м.л. Кари
- 1/3 м.л. Куркума
- по вкус Сол
Подготовка
Превкусен, брз и здрав појадок, кој може да си го припремате било кога, но овојпат решив да ви го споделам рецептот, бидејќи верувам дека на многумина од вас им останаа дел од вапцаните велигденски јајца, па еве еден мој предлог за да ги искористите.
Подготовка
1. Јајцата ги лупиме и ги сецкаме на неколку парчиња. Младото кромитче, исто така, го сецкаме на помали парчиња.
2. Ги ставаме во чашката од блендерот, и ги додаваме и останатите состојки. Посолуваме по вкус. Блендираме до хомогенизирање. Послужуваме веднаш.
На здравје!