Сок (лимон, портокал, јаболко)
Состојки
- 2 Лимони
- 2 Портокали
- 2 Јаболка
- пола Лимонтос
- по вкус Шеќер
- по потреба Вода
Подготовка
За да добиеме висококвалитетен сок, најдобро е истиот да не се преработува, со цел да се зачуваат хранливите материи од овошјето и зеленчукот. Овојпат се одлучив за комбинација од лимон, портокал и јаболко, и за 10 минути спремен е сокот за употреба.
Подготовка
1. Јаболката ги лупиме, миеме и сецкаме на помали парчиња.
2. Лимоните и портокалите исто ги лупиме и ги сецкаме на помали парчиња. Ако имаат семки, ги вадиме.
3. Исечканото овошје го ставаме во чашката од блендерот (ако не го собира наеднаш, тогаш на двапати) и додаваме вода. Јас блендирав на двапати и дододов по околу 300 мл вода.
4. Добиената изблендирана каша ја префрламе во подлабок сад, додаваме вода според вкус (зависно колку сакаме да ни биде густ сокот), го додаваме лимонтусот и заблажуваме по вкус. Промешуваме до растопување и послужуваме веднаш.
Забелешка - Во оваа комбинација одлично се вклопува и морковот, јас во моментот немав, па затоа и не го додадов.
На здравје!