Сирови полнети тортици
Состојки
- 2 мали банани
- 4 полни лажици кокосово брашно
- 2 лажици сирово какао
- 10 урми
- 120гр. овесни снегулки
- Полнење
- 10 преполни лажици путер од кикирики (со парчиња кикирики)
- 5 лажици шеќер во прав
Подготовка
Кога се во прашање ваков вид на десерти, слободно може да се прават најразлични комбинации. Овојпат ги избрав овие состојки. Посно, вкусно, без масло. Излегуваат 8 тортици.
Подготовка:
1. Изблендирајте ги овесните снегулки. Урмите исецкајте ги на ситни парчиња. Во сад со вилушка испасирајте ги бананите. Додајте ги кокосовото брашно, какаото, урмите и постепено овесните снегулки.
Измешајте за убаво да се соедини смесата. Земајте од смесата и нанесете во калап за мафини, оставајќи вдлабнатина на средината(види дополнителни слики).
2. Во друг сад измешајте ги убаво путерот од кикирики и шеќерот во прав. Со оваа крема наполнете ги тортиците. Ставете да отстојат во фрижидер минимум 1 час. Извадете ги од калапот и послужете.