Ликер од печени јаболка
Состојки
- 7-8 помали јаболчиња
- 250 гр шеќер
- 2 пакетчиња ванилин шеќер
- 2 стапчиња цимет
- 2 ѕвезди анис
- 750 мл вотка
Подготовка
Подготовка:
1. За подготовка на ова вкусно ликерче пожелно е ако имате да ставите непрскани, миризливи јаболчиња. Ако се прскани претходно убаво измијте ги. Пресечете ги на 4, исчистете ги од семките, не лупете ги и ставете ги да се печат на 200 степени 15 минути. Треба да останат цели и потврди.
2. Ставете ги во некоја поголема тегла, додајте го шеќерот, ванилиниот шеќер, стапчињата цимет, анисот и сравете ја вотката. Вотка ставаме заради неутралниот вкус, но секако може и со ракија.
3. Оставете ја теглата 1 месец на темно место, поточно да не е на директна светлина и од време на време протресувајте ја за да се стопи шеќерот. Потоа исцедете го ликерот и уживајте во неговата убавина. На здравје!