Пита со сецкани јаболка (без пржење на филот)
Состојки
- Тесто
- 125 г путер, сало или маргарин
- 1 јајце (се остава малку за премачкување)
- 100 г шеќер во прав
- 1 лажиче ванилин екстракт
- околу 300 г брашно
- 1 лажиче прашок за пециво
- Фил
- 5 помали јаболка сецкани на коцки
- 3-4 лажици кафеав шеќер
- цимет, морско оревче, каранфилче (1 до 2 лажички)
- 2 полни лажици гриз
- За одозгора
- цимет и ванилин шеќер
Подготовка
Ароматична, ровка, се топи в уста, кралица на питите, питата со јаболка! За овој рецепт не е потребно филот да се пржи, туку јаболката само се сечкаат.
Подготовка
1. Замесете мазно тесто од состојките за тесто. Тестото треба да не е лепливо. Поделете го на 2 дела, едниот поголем, едниот помал и оставете го во фрижидер околу половина час.
2. Лупените јаболка исечкајте ги на коцки, додадете го шеќерот, гризот, циметот и другите зачини и промешајте.
3. Потоа извадете ја поголемата половина од тестото и натапкајте ја во калапот за пити. Додадете ја смесата од јаболка и убаво распоредете ја.
4. Потоа другиот дел од тестото исучете го и извадете ленти. Редете ги лентите врз овошјето и оформете мрежа. Ставете лента и по работ на питата. Одозгора премачкајте ги лентите со јајце и наросете ванилин шеќер и цимет.
5. Печете околу 35 мин на 180 степени во загреана рерна. После печење оставете да се излади. По желба се наросува шеќер во прав.