Брускети
Состојки
- 1 багет
- 3 лажици песто
- 7 сецкани смокви
- 2 лажици брусница
- 50 гр рендан кашкавал
- 30 гр горгонзола
- 10 шери доматчиња
Подготовка
Брзо и вкусно мезе.
Подготовка:
1. Багетот го сечиме на парчиња со дебелина од 1,5 цм. Од двете страни го премачкуваме со четче натопено во маслиново масло. Ги редиме во плех кој е обложен со хартија за печење. Печиме во загреана рерна на 180 степени неколку минути ( додека да поруменат ).
2. Направив неколку различни брускети. Mерките на состојките се отприлика. Врз дел од лепчињата премачкав со песто и ставив сецкани смокви и брусница. Врз други ставив рендан кашкавал, горгонзола и шери доматчиња , пресечени на пола. Останатата комбинација ја направив со рендан кашкавал, горгонзола и сецкани смокви. Брускетите ги враќаме во рерна и печиме уште 4-5 минути.