Подварок со свинска коленица
Состојки
- 2 свински коленици
- 1 лажица убаво полна свинска маст
- по вкус сол, мешан сув зеленчук, мелен црн пипер,црн пипер во зрно, ловоров лист
- 1 главица сторена зелка
- 1 главица црвен кромид
- 2 црвени суви пиперки
- 1 луто суво пиперче
- 1 гранче рузмарин
- по потреба вода, околу 400 мл.
Подготовка
Традиционално зимско јадење, го обожаваме.
Подготовка:
1. Две коленици се варат со сол, ловоров лист, црна пипер во зрно.
2. Главицата црвен кромид ситно сецкан, се пржи на салото. Додавам малку сол.
3. Главица зелка се дроби и се додава во кромидот. Се динста со покриен капак околу 30-40 мин. додека убаво омекне зелката, со повремени мешања. Повремено додавам вода и тоа од водата во која се вареше коленицата, околу 200 мл. По потреба зачинувам со мешан сув зеленчук, мелен црн пипер и малку црвена, а и не мора. Убаво се меша да се изедначи.
4. Потоа во намрсен земјен сад или тава, ставам дел од зелката, исечкани, потпечените црвени суви пиперки и потпечено суво луто пиперче, 2-3 ловорови листа, гранче рузмарин. Го редам местото и покривам со остатокот од зелката. Налевам уште 200 мл.од водата од коленицата.
5. Покривам со капак и во добро загреана рерна 1 час, потоа откривам и уште толку време колку треба убаво да запечи, да добие боја. Одвреме-навреме го протресувам садот, без мешање. Го готвев во шпорет на дрва, а во електрично на 200.
п.с.Понекогаш додавам и чадено свинско месо.
На здравје!